बाजुरा डीएसपी शैलेश्वरी बोहरा कार्यसम्पादन मूल्यांकनमा देशभर बाट उत्कृष्ट ।।

ग्रेश हिमालय काठमाडौं १६ सोमबार २०८३ भदौ (शिवराम मगर  )

जिल्ला प्रहरी कार्यालय बाजुराकी प्रमुख डीएसपी शैलेश्वरी बोहरा कार्यसम्पादन मूल्यांकनमा उत्कृष्ट हुन सफल हुनुभएको छ ।व्यावसायिक, अनुशासित र परिणाममुखी प्रहरी अधिकृतका रूपमा परिचित उहाँले उत्कृष्ट कार्यसम्पादनमार्फत यो सफलता हासिल गर्नुभएको हो ।

अपराध अनुसन्धान, शान्ति सुरक्षा व्यवस्थापन तथा विभिन्न निकायसँगको प्रभावकारी समन्वयमा उहाँले उल्लेखनीय नेतृत्व देखाउनुभएको छ । भौगोलिक रूपमा विकट जिल्ला बाजुरामा घरेलु हिंसा, बालविवाह, मदिरा नियन्त्रण तथा गाँजा फडानीजस्ता सामाजिक विकृतिविरुद्ध उहाँको नेतृत्वमा प्रहरी टोलीले सक्रिय रूपमा काम गर्दै आएको छ ।

यस्तै, हिमाली गाउँपालिका–३ को लाम्पाटा क्षेत्रमा भएको सीमा विवाद तथा झ"ड"पको अनुसन्धानका क्रममा उहाँ स्वयं घटनास्थलमा पुगेर नेतृत्वदायी भूमिका निर्वाह गर्नुभएको थियो ।

यस उपलब्धिले उहाँको कर्तव्यनिष्ठा, नेतृत्व क्षमता र जनसेवाप्रतिको प्रतिबद्धतालाई थप उजागर गरेको छ । डीएसपी शैलेश्वरी बोहरालाई हार्दिक बधाई तथा आगामी कार्यकालका लागि सफलताको शुभकामना । 

समाचार श्रोत मल्ल जि