ग्रेस हिमालय काठमाण्डौ 

काठमाण्डौ १९, शनिबार 

लाखौं बालबालिकाको दिमागमा छाप छोड्न सफल बालगीत हो पानि मुनि माछा र यसको अलावा आमाले मिठो खान दिनुहुन्छ, नेपाली १२ महिना, पाकेको मेवा छ लगायत दर्जनौं वालगितका सर्जक अर्थात् रचनाकार तथा संगीतकार हुन उत्तम पौडेल ।

नेपाली बालगीत मध्येकै सबैभन्दा सफल पानी मुनि माछा बोलको  गीतले रेकर्ड तोडेको उनले बताए ।

उनले भने हुनत आफनो सृजनाको बराबरी माया लाग्छ तर पनि गीतसंगीतमा लागेको २१ बर्षपछी आएर अलिकति  खुसी हुने बाताबरण बनेको छ । उनले भने यो पानि मुनि माछा बोलको गीत पनि विभिन्न व्यक्तिहरूले बेग्लाबेग्लै युट्युब च्यानलहरुमा  मेरो अनुमति नलिईकन सार्वजनिक गरेका थिए । अहिले ती सबैबाट मैले न्याय पाएको छु । विगतमा धेरै गीत संगीतको रचना गरें संगीत भरें तर सन्तुष्ट हुने बाताबरण यही पानी मुनि माछा बोलको गितले गरेकाे छ उनले भने ।

गायक पाैडेलले आधुनिक, लोकपप, लोकदोहोरी लगायतका गीतहरुमा आवाज दिनुका साथै संगीतमा ब्यस्त छन् । पछिल्लो समय उनको आफ्नै शब्द सङ्गीत र आवाज समेत रहेको खुर्कोट बजारमा, हजारौको माझ लगायत सेलो सालैजो जस्ता संस्कृति झल्किने गीतसंगीतमा समेत सक्रिय छन् ।