लुम्बिनी विकास बैंक लिमिटेडको १४ औं वार्षिक साधारण सभा आज शुक्रवार सम्पन्न भएको छ । सभाले शून्य दशमलव ६८ प्रतिशत कर प्रयोजनका लागि नगद लाभांश र १३ प्रतिशत बोनस शेयरसहित कुल १३ दशमलव ६८ प्रतिशत लाभांश वितरण गर्ने प्रस्ताव पारित गरेको छ । सभाले आर्थिक वर्ष २०७७/ ७८ को वार्षिक प्रतिवेदन पारित गरी आर्थिक वर्ष २०७८/ ७९ का लागि लेखापरीक्षकको नियुक्ति लगायतका प्रस्तावहरु पनि अनुमोदन गरेको छ । 

कम्पनीको सञ्चालक समितिका अध्यक्ष दशरथ रिसालको अध्यक्षतामा सम्पन्न सभामा कोभिड–१९ को परिस्थितिलाई ध्यानमा राख्दै भर्चुअल माध्यमबाट शेयरधनीलाई सहभागिता गराइएको छ । सभामा अध्यक्ष रिसालले सञ्चालक समितिका तर्फबाट आर्थिक वर्ष २०७७/ ७८ को वार्षिक प्रतिवेदनउपर प्रत्यक्ष तथा भर्चुअल माध्यमबाट सहभागी भएका शेयरधनीहरुले राखेका जिज्ञासाहरुको जवाफ दिएका थिए ।