नेकपा माओवादी केन्द्र भित्र शेर बहादुर देउवा सरकारमा मन्त्री थप गर्ने विषय पेचिलो हुदै गएको छ । माओवादी केन्द्रले आफ्ना मन्त्रीहरुको नाम नदिँदा प्रधानमन्त्री बनेको ३ हप्ता पुग्दापनि देउवाले मन्त्रिपरिषद् विस्तार गर्न नसकेका हुन । पाँच दलीय गठबन्धन समर्थनमा कांग्रेस सभापति शेरबहादुर देउवा असार २९ मा प्रधानमन्त्री भएका हुन । सोही दिन उनले कांग्रेसका २ र माओवादीका २ जनालाई समावेश गरेर मन्त्रिमण्डल गठन गरेका गरिसकेका छन । तीन साता पुग्दापनि मन्त्रिमण्डल विस्तार गर्न नसकेको भन्दै आलोचना प्रधानमन्त्रीले खेपिरहेका छन ।

उता, एमालेको माधव नेपाल समूह सरकारमा सहभागी हुने, नहुने अन्योलताले पनि मन्त्रिपरिषद् विस्तारमा ढिलाइ भइरहेको छ । सत्ता गठबन्धनको बैठकमा नेपाल समूहबाट प्रतिनिधित्व गरेर पुगेका डा. विजय पौडेलले सरकारमा सहभागी नहुने बताएका थिए । नेपाल पक्षका केही सांसद भने आफूहरू सरकारमा सहभागी हुने कुरा सार्वजनिक रुपमा भन्दै आएका छन् ।