नेपाली कांग्रेसको महाधिवेशनको कार्यतालिका तय भएको छ । आज आइतबार कांग्रेस निर्वाचन समितिले तयार पारेको तालिकाअनुसार महाधिवेशन कार्यक्रम मंसिर २१ बाट सुरु हुनेछ । २१ गते महाधिवेशन कार्यक्रम अन्तर्गत मतदाता नामावली (महाधिवेशन प्रतिनिधिको सूची) प्रकाशन हुनेछ । २२ गते मतदाता नामावलीमाथि दाबी–विरोध तथा उजुरी र मतदाता नामावलीको अन्तिम सूची सार्वजनिक गरिनेछ । 

२३ गते उम्मेदवारी मनोनयनको कार्यक्रम तय गरिएको छ भने मंसिर २४ गते महाधिवेशन उद्घाटन गर्ने कार्यक्रम छ । त्यस्तै २५ गते मतदान हुनेछ भने २६ गतेबाट मतगणना गरिनेछ ।