चमेलिया नदीमा आएको बाढीले अपि पावर कम्पनीले निर्माण गरिरहेको माथिल्लो चमेलियाको ड्याम साइड क्षति भएको छ । निर्माणाधीन ४० मेगावट क्षमताको जलविद्युतको ड्याम क्षेत्रमा बाढीले क्षति पुर्‍याएको जिल्ला प्रहरी कार्यालय दार्चुलाले बताएको छ । अपि गाउँपालिकाको ओखल नजिकै निर्माण भइरहेको ड्याम क्षेत्रमा पूरै बालुवा, माटो भरिनुका साथै निर्माण स्थलमा रहेका स्काभेटर, टयाक्टर र निर्माण सामग्रीमा क्षति पुगेको जिल्ला प्रहरी कार्यालय दार्चुलाका प्रमुख प्रहरी नायब उपरीक्षक  डिएसपी मनोहर प्रसाद भट्टले बताएका छन् ।

त्यस्तै अपि हिमाल गाउँपालिकामा बाढिले दुईवटा झोलुङ्गे पुल बगाएको छ । हिजो आइतबार राती आएको अविरल वर्षाका कारण अपिहिमाल १ ककनाडी र ६ चौकीबगाडमा रहेको झोलुङ्गे पुल बगाएको डिएसपी भट्टले जानकारी दिएका छन् । पुल बगाए पछि स्थानीयलाई आवतजावतमा समस्या भएको छ ।