मंगलवार १८ मंसिर, २०८१
काठमाण्डौ । गायिका सुनी थापाको स्वरमा एक गीत भर्खरै सार्वजनिक भएको छ । एक नारीको सुन्दरताको बर्णनमा उक्त गीत "चोली सुहाउँछ" बोलको रहेको छ । राजनराज सिवाकोटीको शब्द संगीतमा तयार भएको गीत स्टार इन्टरटेन्टमेन्ट नेपाल युट्युब च्यानल मार्फत साव्रजनिक भएको हो ।
गायिका सुनीले आफ्नो यस प्रस्तुतिलाई मन पराईदिनु भएमा आउँदा दिनमा थप उत्कृष्ट गीत ल्याउने बताएकी छिन् । उनको यस गीतमा स्वर सुन्दा नेपाली सांगीतिक क्षेत्रका लागी निकै राम्रो सम्भावित गायिकाको रुपमा अड्कल काट्न सकिन्छ ।
निकै उत्कृष्ट ढंगबाट तयार पारिएको यस गीतको म्युजिक भिडियोमा नेपाली चलचित्रमा ख्याती कमाएकी नायिका प्रियंका कार्की र गम्भीर विष्टको अभिनय देख्न सकिन्छ ।
चित्लाङ्ग रिसोर्टको सेरोफेरोमा छायांकन गरिएको "चोली सुहाउँछ" बोलको गीतको म्युजिक भिडियोलाई निर्देशन माणिक पाख्रिनले गरेका हुन् । भिडियोलाई छायांकन नबराज उप्रेतीले गरेका हुन् भने सम्पादन मिलन बिस्वकर्माले गरेका छन् ।
भिडियो हेर्न तल क्लिक गर्नु होला ।
