शनिबार ५ भाद्र, २०७८
वैदेशिक रोजगारीको क्रममा मलेसिया पुगेर ज्यान गुमाएका ८ जना नेपालीको शव काठमाडौँ ल्याइएको छ । विभिन्न समयमा ज्यान गुमाएका ती ८ जना नेपाली कामदारको शव शनिबार नेपाल ल्याइएको हो । शवसँगै १६ जनाको अस्तु पनि नेपाल ल्याइएको जनाइएको छ ।
उनीहरुले रोजगारीको क्रममा मलेसियामा विभिन्न दुर्घटना र अन्य घटनामा परेर ज्यान गुमाएका थिए । केहीको भने मलेसियामै रहँदा कोरोना भाइरसको संक्रमणका कारण समेत ज्यान गुमाएका थिए । ती शवहरुलाई आजै आफन्तलाई जिम्मा लगाइने जनाइएको छ ।
